25 urte ospatzeko 25 erretratu

Aurten, Barakaldo Antzokiak Ostiral Flamenkoak zikloaren 25. urteurrena ospatuko du.

Camaron de la Isla 1990ean Antzokia inauguratu zutenetako bat izan zenetik, flamenkoa beti egon da gure aretoetan, kantuaren, ukituaren eta dantzaren irudi handienen parte-hartzearekin. 1997an, generoaren emanaldiak bildu zituen ziklo bat antolatzea erabaki zen, eta horrela sortu ziren Ostiral Flamenkoak.

Hogeita bost edizio geroago, Barakaldo Antzokiak urteurrena ospatzeko asmoa du, hiri osora zabalduz, aretoen barruan eta kanpoan ikuskizunak, tailerrak, hitzaldiak eta argazki-erakusketa bat eginez.

‘Ni flamenkoa naiz’ Erakusketa

Eduardo Brionesek eta Javier Diazek egindako argazki-serie bikain bat, UNESCOk flamenkoa Gizateriaren Ondare izendatu zueneko hamargarren urteurrena dela eta.

Proiektuak mundu flamenkoko egungo pertsona ospetsuenetarikoen argazkiak ditu, horietako asko gure Antzokian egondakoak. Eta UNESCOk Gizateriaren Ondare izendatutako espazioetan edo Andaluziako kulturarako eta paisaiarako erreferentziazko lekuetan kamera aurrean jarri dira.