Eskola Kanpainia

Barakaldo Antzokia > Eskola Kanpainia

1997tik aurrenekoz, haurrek eta gazteek ezin izango dute Barakaldo Antzokira ikastetxeekin etorri. Eta arrazoia arrazoizkoa bada ere, osasun-inguruabarrek eragozten dutelako, emaitza kezkagarria da, haurtzaroa eta nerabezaroa kultura-interesak pizteko une ezin hobeak baitira. Bizitza osoa iraun dezakeen estimulua.

Neurri egokiak hartuz gero antzokiak eta beste kultura-gune batzuk seguruak direla irmoki defendatzen badugu ere, ulertzen dugu ikastetxeek gaur egun zailtasunak dituztela lekualdaketak eta beste ikastetxeentzako klaseekin nahasketa beharrezkoak diren eskolaz kanpoko jarduerak egiteko.

Hori dela eta, Barakaldo Antzokiak 2020-21 ikasturteko lehen hiruhilekoan ez du Eskolatik Antzokira programa martxan jarriko. Osasun-egoeran aldaketa esanguratsurik balego, 2021ean zehar ekingo genioke programazioari.

Hala ere, Barakaldo Antzokiak bere konpromisoa berretsi nahi du adin txikietako herritarren kultur heziketaren ardura publikoan laguntzeko. Batez ere une honetan, gizarte-harremanak ezartzeko eta indartzeko zailtasuna gehitu behar baita.

Arte eszenikoak gazteenen bizitzatik erabat desagertu ez daitezen, orain ezinbestekoa da kultura- eta arte-bizitzan parte hartzen lagunduko duten topaguneak bultzatzea.

Onartu behar dugu ikastetxeek ezin dutela beren ikasleekin etorri, baina, trukean, familiak haurrekin antzerkira joatea erraztu egin dezakegu. Egungo egoeran, familiei zuzendutako programazioaren garrantzia esponentzialki biderkatzen dela uste dugu, eta, horregatik, “Familiarekin Antzokira” programazioari eutsiko diogu, ikusle gazteagoentzako proposamenekin.

Espero dugu, orain inoiz baino gehiago, laster berriro zuekin topo egitea antzerkian, horrek esan nahiko baitu normaltasunera itzuli garela, benetako normaltasunera.