Ahotsa: Sole Giménez
Baxua: Natxo Tamarit
Gitarra: Osvi Grecco
Pianoa: Edgar Olivero
Perkusioa: David Gadea

Ahots nahastezin baten dotoretasuna

Sole Giménez eszenatokietara itzuli da Celebración izeneko bira berriarekin. Artistak 40 urteko ibilbidea ospatzen du eta horretarako Presuntos Implicados garaiko abesti handiekin topo egingo du berriro eta bere bakarkako ibilbideari errepaso egingo dio ere bai zuzeneko eder batean. Aipatzekoa da 1991an Sole Giménez Presuntos Implicados taldearekin Barakaldo Antzokia bisitatu zuela.

Cómo hemos cambiado, Alma de Blues, Todas las flores, Ramito de violetas eta beste abesti arrakastatsu batzuk zuzenean entzungo dira baita, argitaratu gabeko kanturen bat ere, guztiak publikatu berri duen diskoan aurkitu daitezkenak.

Aukera paregabea estatuko musikako ahots miresgarri eta nabarmenetako batekin disfrutatzeko. Erritmoz beteriko kontzertua, denboran zeharreko bidaia, pop estilotik bossa nova edo bolerora.