Etxeko Arauak

Barakaldo Antzokia > Etxeko Arauak

AZKEN NEURRIAK
– 2021/12/29ko Dekretu berria aplikatuz, aretoen edukiera % 60ra murriztuko da.

– Abenduaren 14ko 47/2021 Dekretua aplikatuz, 12 urtetik gorako pertsona guztiek Europar Batasunaren Covid Digital Ziurtagiria (QR) eta NANa aurkeztu beharko dituzte Barakaldo Antzokian sartzeko.
Gogoan izan maskara erabiltzea nahitaezkoa dela 6 urtetik aurrera, eta, guztion osasunagatik, oso gomendagarria dela 6 urtetik beherako haurrentzat.

Instalazioen barruan jatea eta edatea debekatuta dago.

AURKEZTU AHAL DIREN ZIURTAGIRI MOTAK

Ziurtagiririk ez baduzu eta ikuskizun baterako sarrerak erosi badituzu, sarreren zenbatekoa itzuliko zaizu, erositako metodo bera erabilita. Eskaera ikuskizunaren aurreikusitako data baino lehen egin beharko da.

NEURRI BEREZIAK
Une honetan lehentasun nagusia zure segurtasuna eta osasuna dira. Beraz, osasun arloko agintariek emandako jarraibideetara egokitzeko prestatu dugu antzokia. Emanaldi guztiek babes eta higiene neurri zorrotzak beteko dituzte. Hau da jakin behar duzun lehenengoa:

Maskara:
Antzoki barruan beharrezkoa izango da maskara erabiltzea eraikinera sartzean, emanaldian zehar eta eraikinetik irtetean. Ikusle bakoitzak bere maskara ekarriko du etxetik. Antzokiak maskara kirurgiko bat emango die maskararik ez duten edo ahaztu duten pertsonei.
Maskara erabiltzea nahitaezkoa da 6 urtetik gorakoentzat eta, guztien osasunagatik, oso gomendagarria da 6 urtetik beherakoentzat.

Eskuen garbiketa:
Antzokiaren sarreran gel hidro-alkoholikoa aurkituko duzu ikusleen eskura.

Antzokiaren eguneroko garbiketa:
Gure instalazioak (pasabideak, komunak, besaulkiak, eskudelak…) sakon garbitzen eta desinfektatzen dira egunero.

ARAU NAGUSIAK
Zuzeneko edozein emanaldi bakana eta errepikaezina da, eta gure arreta osoa merezi du. Horregatik hauxe eskatzen dizugu:
• Garaiz iristea: ikus-entzuleei eta artistei zor zaien errespetuagatik, antzezpena hasi ondoren ezin izango da aretora sartu atsedenaldietan izan ezik. Eta ez da bermatuko txartelean markatutako eserlekuan esertzea.
• Aretora sartu baino lehen edozein tresnetako abisu akustikoak deskonektatu.
• Umetxoentzako gurditxo eta aulkiak sarreran utzi. Antzokiak eserlekuetarako osagarriak dauzka txikiei hobeto ikusten laguntzeko.
• Zure lekuan eseri: erositako lekuan esertzeko eskubidea ematen du sarrerak. Ezin da, ez ikuskizuna hasi baino lehen ezta hasita ere beste batera aldatu antzokiko arduradunen baimenik gabe.
• Ezin da ez argazkirik, ez filmaziorik edota bestelako grabaketarik egin konpainiaren eta aretoko arduradunen baimenik gabe.
• Ez erabili mugikorrik. Utz ezazu telefonoa bakean. Bibrazioa kendu -edo, askoz hobeto, itzali ezazu-. Gogoan izan albokoak eta antzezleak molestatzeaz gain, mezuak irakurtzen dituzun bitartean telefonoak aurpegia argiztatzen dizula eta denon begi-bistan geldituko zara.
• Ez ezazu utz beroki, euritako, zorro edo antzekorik orkestrako zuloko eskudeletan ezta anfiteatroko eskudelean ere.
• Zaindu dezagun denona dena. Areto barruan ezin da ez jan ez edan.
Gogoratu:
• Pertsona bat, sarrera bat: segurtasun eta leku-kontrolerako arrazoiak direla-eta, aretora sartzen diren guztiek (daukaten adina daukatela) sarrera eskuratu behar dute aurretiaz.
• Azken ordu erdian, eguneko ikuskizunaren salmentari emango dio lehentasuna leihatilak.
• Sarrerak erostean, ondo dauden begiratu, gerora ezingo baitira ez aldatu, ez itzuli.
• Gorde sarrera saioa amaitu arte.
• 3 urtetik beherakoak ezin izango dira aretora sartu, haurrei zuzendutako ikuskizuna ez bada.
• 16 urtetik beherakoak ere joan ahal izango dira ikuskizunera, betiere, gurasoek edo arduradunek lagunduta badoaz.
• Aretoak mugikortasun urritukoentzat egokitutako sarrera eta guneak ditu. Horietako lekuren bat behar izanez gero eta laguntzailearentzako sarrera erreserbatzeko, idatzi posta elektroniko bat amigosteatro@barakaldo.eus helbidera edota deitu 944 780 600 telefonora. Erreserbatutako sarrerak emanaldia hasi baino 15 minutu lehenago jaso beharko dira; bestela, saldu egingo dira.
• Sarrerak deskonturen bat badauka, dagokion karneta erakustea eskatu daiteke.
• Aldaketak programazioan: Barakaldo Antzokiak, egoerak hala eskatzen badu, datak, ordutegiak, egitarauak eta interpreteak aldatu ahal izango ditu, baita emanaldia bertan behera utzi ere.
• Emanaldia bertan behera uzten denean soilik itzuliko da sarreren zenbateko osoa.
• Barakaldo Antzokiaren barrualdean ezin da erre.