Barakaldo Antzokiko Adiskideek beren txartelak eskaintzen dituen abantailez baliatzen jarraitu ahal izango dute urtea amaitu arte.

Barakaldo Antzokiaren lagun diren pertsonek 25€-ko kuota ordaintzen dute denboraldi bakoitzeko (10€ Lagun Txiki Txartelaren kasuan), irailetik uztailera bitartean zenbait deskontu eta abantaila izan ditzaten.

2019-2020 denboraldiko kuotaren balioa (2019ko uztailean kobratutakoa) 2019ko irailetik 2020ko uztailera artekoa da.

Osasun krisiaren eta antzokiaren itxieraren ondorioz, martxoaren 12tik maiatzaren 23ra eta uztailaren 11an ikuskizun hauek ez dira aurreikusitako datan egin:

• 17 ikuskizun publiko orokorrarentzat (denboraldi osoaren %30, 54 ikuskizunez osatua).
• Familientzako 3 ikuskizun (denboraldiko %23, 13 ikuskizunez osatua).

Horregatik, txartelaren baliozkotasuna 2020ko abenduaren 31ra arte luzatuko da; horrela, txartel horren titular izateak eskaintzen dituen abantailak 2020ko irailetik abendura arte luzatuko dira.

Beraz, bazkideek bi aukera hauei heldu ahal izango diete:

A/ Txartelaren iraupena luzatzea, ordainketa gehigarririk eta ezer gehiagorik egin gabe:

Txartela ez da uztailean amaituko, eta Antzokiaren Lagunek, inolako tramiterik eta ordainketa gehigarririk egin gabe, deskontu eta abantaila handiak izango dituzte abenduaren 31ra arte. Halaber, zinema-bonoa erabiltzen jarraitu ahal izango dute, txartelak barne hartzen dituen 6 gonbidapenak agortu arte.

B/ 2019-2020 denboraldiko Antzokiaren lagun-kuotaren zati proportzionala itzultzeko eskatzea:

Kuotaren zati proportzionala itzultzea nahi dutenek, uztailaren 10a baino lehen eska dezakete, teatro@barakaldo.eus helbidean.

• Txartel estandarrerako, itzuli beharreko kopurua %30a da: 7,50€
• Lagun Txiki Txartelarentzat, %23a itzuli behar da: 2,30€

Aukera honekin ez da bazkide izaera behin betiko galtzen, baina txartela uztailean iraungiko da eta ez du berriro balioko kuota berriaren ordainketa formalizatu arte (2021eko urtarrilean).

Erabili ez diren zinema-bonuaren sarrerak galdu egingo dira.

Salbuezpenez, 2021eko urtarrila baino lehen bazkide egiteko aukera egongo da, 7,50 euroko kuota ordainduta. Horri esker, ohiko deskontuak eta zineko doako 2 sarrera eskuratu ahal izango dira urte amaierara arte.

Bestalde, Barakaldo Antzokia lanean ari da bere denboraldia irailaren 19an hasi eta bere jarduerari modu erabat seguruan ekiteko, modu guztiz seguruan, bai publikoarentzat, bai artista eta teknikarientzat, ikusleak aretora itzul daitezen ohiko ilusio eta konfiantzarekin.