Barakaldo Antzokia Ornitorrinco Proiektuan parte hartzen ari da. Egitasmo hau La Red-Titulartasun publikoko Antzoki, Auditorio, Zirkuitu eta Jaialdien Sarearen ekimena da, eta parte-hartze honekin arte eszenikoen arloan hezkuntzaren eta bitartekaritzaren garapena sustatu nahi dugu.

Gure helburua Barakaldo Antzokiko espazio eszenikoaren eta inguruko komunitateen arteko lankidetza piztea da. Horregatik, Barakaldoko hezkuntza-komunitatearekin programa bat garatuko dugu, elkarrekin lan egin ahal izateko, pentsamendu kritikoa sustatzeko eta gizartea hobetzeko, hori baita Ornitorrinco proiektuaren oinarria.

Horretarako, ikastetxeak eta interesa duten irakasleak inplikatu nahi ditugu, modu aktiboan lankidetzan aritzeko, jarraitutasun-konpromisoarekin, Antzerkia artearen eta hezkuntzaren arteko elkargune naturala ikusgarri eta nabarmen egiteko topagune izan dadin.

Pieza eszeniko bate ikustera etortzea atsegina izan daitekeelako. Gainera, tresna baliotsua izan daiteke elkarrizketarako eta eztabaidarako. Baina horri aurretik eta/edo ondoren egindako lan bat gehitzen badiogu, ikusi eta bizi izan dugunari buruz gogoeta eginarazteko, pentsamendu eraldatzailea eraikitzen lagun dezake.

Ornitorrinco proiektuaren barruan dugun lehen esperientzia 2023-2024 ikasturtean zehar garatuko dugu, Bereziak izeneko bi tailerrekin.

Jarduera horiek proposatzeko orduan, eskola-programazioko ikuskizunak eta haien gaiak “detonatzaile” gisa erabili nahi izan ditugu, modu partekatuan eta artearen bitartez bizitzaren alderdiei buruz hausnartzeko aukera emango digutenak.

BEREZIAK: BESTEA
Electrico 28ren Full House ikuskizunetik abiatuta proposatutako tailerra.
Gomendatutako ikasturteak: Lehen Hezkuntzako bigarren edo hirugarren zikloa (8-12 urte)
Full House ikuskizunak auzo bat erakusten digu, bakoitza bere auzora doana eta eguneroko gatazkak sortzen dituena. Elkarbizitzaz eta aniztasunaz hitz egiten digu.
Tailerrarekin zure auzokideek/ikaskideek duten ona bilatzen duzunean bizikidetza hobea dela erakutsi nahi dugu. Beti da errazagoa bereizten gaituena ikustea, eta horrek, batzuetan, gure antzik ez dutenek dituzten bertuteak eta ezaugarriak estimatzen ez digu uzten.

BEREZIAK: NI
Roi Borrallasen Solo ikuskizunetik abiatuta proposatutako tailerra.
Gomendatutako ikastaroak: DBHko bigarren zikloa eta Batxilergoko lehen maila (15-17 urte)
Solo ikuskizunak pailazo bat aurkezten du bere kamerinoan emanaldia amaitzean, pertsona eta pertsonaia aurkitzen direnean. Solok jartzen ditugun maskarak aipatzen ditu.

Nerabezaroa identitatea baieztatzeko une bat da, baina baita une konplexu bat ere. Arte plastikoei buruzko tailer bat proposatzen dugu, artelanak egin ahal izateko galdera hauek oinarri hartuta: Nola ikusten dut neure burua? Nor naiz? Nola uste dut ikusten nautela? Nor izan nahi dut?

Tailerretako edozeinetan parte hartzeko ezinbestekoa izango da ikuskizunera etortzea.

* Ikasturte hasieran, interesa duten ikastetxe/irakasleei bilera baterako deia egingo diegu, programazioa eta tailerretan parte hartzeko aukera ezagutzera emateko.

Bileran programa hau dinamizatuko duen artista- eta profesional-taldeak parte hartuko du eta data eta ordutegiei, tailerren kokapenari, parte hartzeko baldintzei eta abarri buruzko xehetasunak emango dira.

Proiektuan parte hartu nahi baduzu, jar zaitez harremanetan Barakaldo Antzokiarekin irailaren 8a baino lehen, teatro@barakaldo.eus helbidera mezu bat bidaliz.